Minggu, 18 Oktober 2009

21 AG* MAKAARUYEN

Brapa pulu taong lalu
Jalang di muka ruma ini
Blum aspal beton rupa skarang
Cuma tana liling campur batu deng aspal sadiki
Aspal halua tong bilang di Sonder

Brapa pulu taong lalu
Di masa Demokrasi Terpimpin
Pembangunan jalang ka padalaman
Permesta kurang da bantu beking
Mar de pe laste bom jatung di mana-mana

Brapa pulu taong lalu
Pada jaman pamerentahan militeristik Orde Baru
Pemerataan pembangunan sama deng kampanya pamarenta
Pe susah skali mo kaluar Jawa
Apa lagi mo maso Sonder di padalaman Minahasa

Brapa pulu taong lalu
Sejak Minahasa jadi bagean Repoblik Indonesia
Sampe skarang tentara so barkuasa ulang
Jalang-jalang di padalaman
Baru dong mo beking kalu so klar pemilu
Itu kalu lei torang mo pili pa dorang
Pembangunan di padalaman
Memang Cuma jadi komoditi pamarenta pusat

*After Gates

Tidak ada komentar: